یونیورسٹی آف سینٹرل پنجاب کے سالانہ میگا ایونٹ ٹاکرا 2024 کا شاندار اختتام

03-04-2024

(لاہور نیوز) یونیورسٹی آف سینٹرل پنجاب کے سالانہ میگا ایونٹ ٹاکرا 2024 کا شاندار اختتام ہوا، ایونٹ میں مختلف جامعات کے چار ہزار سے زائد طلبہ نے حصہ لیا۔

آخری روز تقریب کی مہمان خصوصی پرو ریکڑ یو سی پی ہادیہ اعوان تھیں، یو سی پی ٹاکرا  2024 میں پاکستان بھر سے 200 یونیورسٹیز کے 4 ہزار سے زائد طلبہ نے 18 کیٹیگریز میں 56 ہم نصابی مقابلوں میں اپنی صلاحیتوں کے جوہر دکھائے، یو سی پی ڈرامیٹک سوسائٹی کی جانب سے ڈانس پرفارمنسز  نے تقریب کو چار چاند لگا دئیے۔ مہمان خصوصی پرو ریکڑ یو سی پی ہادیہ اعوان کا کہنا تھا کہ ملک بھر کی جامعات سے آئے طلبہ نے یو سی پی ٹاکرا کو بے حد پسند کیا اور بھرپور لطف اٹھایا، ہماری یہ کاوشیں طلبہ کے نکھار کے لئے ہیں۔ یو سی پی ٹاکرا 2024 میں حصہ لینے والے طلبہ نے یونیورسٹی آف سینٹرل پنجاب کی کاوشوں کو بے حد سراہا اور اپنی شمولیت کو یاد گار قرار دیا، اختتامی تقریب میں ٹاکرا 2024 پر بنائی گئی ڈاکیومنٹری بھی پیش کی گئی۔ تقریب کے اختتام پر مختلف مقابلے جیتنے والے طلبہ میں انعامات تقسیم کئے گئے۔