دورہ آسٹریلیا میں محمد حفیظ کو کن کھلاڑیوں نے متاثر کیا؟پروفیسر نے نوجوان کرکٹر زکا نام بتا دیا

03-01-2024

(ویب ڈیسک) قومی ٹیم کے سابق ڈائریکٹر محمد حفیظ نے کہاہے کہ دورہ آسٹریلیا کے دوران آل راؤنڈر عامر جمال اور نوجوان اوپنر صائم ایوب نے مجھے بہت متاثر کیا۔

اپنے ایک انٹرویو میں  محمد حفیظ  کا کہنا تھا کہ آسٹریلیا کیخلاف ٹیسٹ سیریز میں بابراعظم، امام الحق، شاہین آفریدی اور دیگر جیسے بڑے نام اثر نہیں ڈال سکے تھے ،تاہم صائم ایوب اور عامر جمال کی کارکردگی سے بہت متاثر ہوا۔انہوں نے کہا کہ ’’مجھے عامر جمال کی ٹیسٹ میں کارکردگی بہت پسند آئی، انہوں نے شاندار کھیل کا مظاہرہ کیا اور ٹیم کو مشکلات کے بہنور سے نکالنے کی کوشش کی۔ صائم ایوب کے حوالے سے حفیظ نے کہا کہ میں آپ کو بتا رہا ہوں، یہ لڑکا (صائم) اگر فٹ رہتا ہے تو پاکستان کرکٹ کا اگلا سپر اسٹار بننے والا ہے‘‘۔واضح رہے کہ آسٹریلیا کیخلاف سیریز میں عامر جمال نے باولنگ اور بیٹنگ دونوں سے شاندار کھیل کا مظاہرہ کرتے ہوئے 3 ٹیسٹ میچوں میں 18 وکٹیں حاصل کی تھیں۔