گورنمنٹ گریجویٹ کالج برائے خواتین سمن آباد میں سالانہ کلچرل اینڈ سپورٹس گالا کا اہتمام

02-29-2024

(لاہور نیوز) گورنمنٹ گریجویٹ کالج برائے خواتین سمن آباد میں سالانہ کلچرل اینڈ سپورٹس گالا کا اہتمام کیا گیا۔

61 ویں سالانہ کلچرل اینڈ سپورٹس گالا میں طالبات نے مارچ پاسٹ کا شاندار مظاہرہ کیا، طالبات نے روایتی ملبوسات پہن کر چاروں صوبوں کی نمائندگی کی، چاٹی ریس، تھری لیگ ریس ، میوزیکل چیئر اور دیگر دلچسپ مقابلے ہوئے، طالبات نے ایونٹ کو شاندار قرار دیا۔ کالج پرنسپل پروفیسر ڈاکٹر شاہین کرامت نے بطور مہمان خصوصی شرکت کی، ان کا کہنا تھا کہ تعلیمی اداروں میں ایسے ایونٹس ہونے چاہئیں، طالبات کی ذہنی نشوونما کے ساتھ ساتھ جسمانی نشوونما بھی ہونی چاہئے۔ تقریب میں پروفیسر ڈاکٹر حلیمہ آفریدی، راشدہ پروین ، فوزیہ وحید، صدف منیر اور دیگر شعبہ جات کے اساتذہ اور طالبات نے بھی شرکت کی، تقریب کے اختتام پر طالبات میں انعامات بھی تقسیم کئے گئے۔