لاہور قلندرز کی پے درپے شکست پر عاقب جاوید بھی بول اٹھے،ٹیم کے حق میں بیان دےد یا

02-26-2024

(ویب ڈیسک)قومی کرکٹ ٹیم کے سابق کھلاڑی عاقب جاوید نے پی ایس ایل کے سیزن 9 میں مسلسل شکست کا شکار ہونیوالی لاہور قلندرز کی ٹیم کے حق میں بیان جاری کردیا۔

تفصیلات کےمطابق اپنے بیان میں عاقب جاوید کا کہنا تھا کہ لاہور قلندرز کی پرفارمنس بری نہیں بس قسمت ان کا ساتھ نہیں دے رہی جبکہ شاہین اچھی کپتانی اور باولنگ کررہے ہیں۔انہوں نے کہاکہ ان پچز پر راشد خان کو مس کررہے ہیں،بیٹنگ پچز پر باؤلنگ کرنا مشکل ہوتی ہے جبکہ حارث رؤف جیسے باولرز بہت کم ملتے ہیں۔ حارث رؤف کے ان فٹ ہونے  سے لاہور قلندرز کو  بڑا نقصان ہوا ہے۔ عاقب جاوید کا مزید کہنا تھاکہ ہمارے پاس جو بہترین کمبی نیشن تھا اس کا انتخاب کیا گیا، لاہور قلندرز ڈائریکٹر آپریشنز اور ہیڈ کوچ نے اس امید کا اظہار بھی کیا کہ ٹیم کم بیک کرکے ایک بار پھر اپنی برتری ثابت کرنے میں کامیاب ہوگی۔