توہین الیکشن کمیشن: بانی پی ٹی آئی کی جیل ٹرائل کیخلاف درخواستیں سماعت کیلئے مقرر

02-24-2024

(لاہور نیوز) لاہور ہائیکورٹ میں توہین الیکشن کمیشن کیس میں بانی پی ٹی آئی کے جیل ٹرائل کے خلاف دائر درخواستیں سماعت کے لیے مقرر کرلی گئیں ۔

جسٹس عالیہ نیلم کی سربراہی میں تین رکنی بنچ درخواستوں پر 26 فروری کو سماعت کرے گا، عدالت نے درخواستوں کے دائرہ اختیار سے متعلق دلائل طلب کررکھے ہیں ۔ بانی پی ٹی آئی نے توہین الیکشن کمیشن کے مقدمے میں جیل ٹرائل کو ہائیکورٹ میں چیلنج کررکھا ہے۔