بانی پی ٹی آئی کی بہنوں نے کمرہ عدالت میں مسرت جمشید چیمہ کو جھاڑ دیا

02-22-2024

(ویب ڈیسک) بانی پی ٹی آئی کی بہنوں نے انسداد دہشت گردی عدالت میں پارٹی رہنما مسرت جمشید چیمہ کو جھاڑ پلا دی ۔

مسرت جمشید چیمہ نے درج مقدمات اور روپوش ہونے کے دوران تکالیف سے آگاہ کیا لیکن عظمیٰ خان اور علیمہ خان نے مسرت جمشید چیمہ کو ڈانٹ پلا دی۔ علیمہ خان نے کہا کہ جب میرے بھائی کو ضرورت تھی تو آپ لوگ چھپے ہوئے تھے اور جب پارٹی پر مشکل وقت تھا تو آپ نے پریس کانفرنس کی، جب بانی پی ٹی آئی کو ضرورت تھی تب آپ مشکل وقت میں ساتھ چھوڑ گئیں۔ انہوں نے کہا کہ آپ بانی پی ٹی آئی کے سب سے قریب ترین تصور کی جاتی تھیں اور آج آپ مجھے مجبوریاں سنا رہی ہیں، سیاستدان تو جیل کے بغیر نامکمل تصور کیے جاتے ہیں۔ پاکستان تحریک انصاف کی رہنما مسرت جمشید چیمہ، علیمہ خان اور عظمیٰ خان کی باتیں سن کر خاموش ہوگئی۔