کوئٹہ گلیڈی ایٹرز کیخلاف بیٹنگ کے دوران صائم ایوب کو رن آوٹ کروانے پر بابراعظم نے معافی مانگ لی

02-19-2024

(ویب ڈیسک) پشاور زلمی کے کپتان بابراعظم نے رن آؤٹ کروانے پر اپنے اوپننگ پارٹنر صائم ایوب سے معافی مانگ لی۔

قذافی اسٹیڈیم میں  گزشتہ روز پی ایس ایل سیزن نائن کے دوسرے میچ میں کوئٹہ گلیڈی ایٹرز کیخلاف بیٹنگ کے دوران غلط فہمی کی وجہ سے بابراعظم اور صائم ایوب کی مضبوط پارٹنر شپ ٹوٹ گئی۔نویں اوور میں 91 رنز کے مجموعی اسکور پر بابراعظم کی جانب سے غیر ضروری رن لینے کی کوشش کے نتیجے میں صائم ایوب  وکٹ گنوا بیٹھے جو زلمی کیلئے بڑا دھچکا ثابت ہوا۔ میچ کے بعد تقریب میں بابر نے اپنی غلطی تسلیم کرتے ہوئے رن آؤٹ کو ٹرننگ پوائنٹ قرار دیا اور صائم سے افسوس کا اظہار کیا۔انہوں نے مزید کہا کہ ہم ایک اچھی پارٹنرشپ بنا رہے تھے اور پارٹنرشپ کو آخر تک لے جانے کی کوشش کر رہے تھے۔ بدقسمتی سے یہ میری غلطی تھی جس پر میں نے صائم سے معذرت کی ہے۔