عالمی اور مقامی منڈیوں میں سونے کی قیمتوں میں اضافہ

02-16-2024

(ویب ڈیسک) عالمی اور مقامی مارکیٹوں میں سونے کی قیمتوں میں مزید اضافہ ہوگیا۔

بین الاقوامی بلین مارکیٹ میں فی اونس سونے کی قیمت 12ڈالر کے اضافے سے 2025ڈالر کی سطح پر پہنچ گئی۔دریں اثنا مقامی صرافہ بازاروں میں بھی 24قیراط کے حامل فی تولہ سونے کی قیمت 1300 روپے کے اضافے سے 212400روپے اور فی 10 گرام سونے کی قیمت 1115روپے کے اضافے سے 182099روپے ہوگئی ہے۔ سونے کی قیمتوں میں اضافے کے برعکس ملک میں فی تولہ چاندی کی قیمت بغیر کسی تبدیلی کے 2580روپے اور فی 10 گرام چاندی کی قیمت بھی بغیر کسی تبدیلی کے 2211.93روپے پر مستحکم ہے۔