اسلام آباد کے 3 حلقوں کے نتائج کا محفوظ فیصلہ آج سنایا جائے گا

02-15-2024

(لاہور نیوز) اسلام آباد کے قومی اسمبلی کے تین حلقوں این اے 46، 47 اور 48 میں امیدواروں کی کامیابی کے نوٹیفکیشن کالعدم قرار دینے کی درخواستوں پر محفوظ فیصلہ آج سنایا جائے گا۔

دوران سماعت چیف جسٹس اسلام آباد ہائی کورٹ جسٹس عامر فاروق نے کہا کہ عدالت الیکشن کمیشن کو ڈائریکشن نہیں دے سکتی لیکن آبزرویشن دیں گے۔ واضح رہے کہ شعیب شاہین، علی بخاری اور عامر مغل نے الیکشن کمیشن کے نوٹیفکیشن کے خلاف درخواستیں دائر کر رکھی ہیں۔