حکومت سازی کا معاملہ، لیگی قائد نواز شریف کی آج اسلام آباد روانگی متوقع
02-12-2024
(لاہور نیوز) حکومت سازی کےمعاملے کے سلسلے میں پاکستان مسلم لیگ ن کےقائد میاں نواز شریف کی آج اسلام آباد روانگی متوقع ہے۔
پارٹی ذرائع کے مطابق نواز شریف اسلام آباد میں چودھری شجاعت سے ملاقات کریں گے، آئندہ حکومت بنانے کے حوالے سے مشاورت کی جائے گی، نواز شریف ملاقات میں چودھری شجاعت کو اعتماد میں لیں گے۔ ذرائع کا کہنا ہے کہ نواز شریف اور مولانا فضل الرحمان کے درمیان بھی آج ہی ملاقات متوقع ہے، اسلام آباد میں سیاسی جماعتوں کے بڑے آئندہ کا لائحہ عمل طے کریں گے۔ ادھر پیپلز پارٹی کی سینٹرل ایگزیکٹو کمیٹی کا اجلاس بھی آج اسلام آباد میں ہوگا، پیپلز پارٹی کے قائدین مسلم لیگ ن کی تجاویز کے حوالے سے سی آئی سی ممبران سے رائے لیں گے۔