لاہور سمیت پنجاب کی یونیورسٹیز میں تقرر وتبادلے

02-10-2024

(لاہور نیوز) لاہور سمیت پنجاب کی یونیورسٹیز میں تقرر وتبادلے کر دیئے گئے۔

گورنر پنجاب بلیغ الرحمان نے ڈاکٹر فلیحہ زہرہ کاظمی کو وی سی یونیورسٹی آف ہوم اکنامکس کا اضافی چارج دے دیا۔ انتظامی محکمے کو وائس چانسلر کی مستقل تعیناتی کیلئے پراسیس جلد از جلد مکمل کرنے کی ہدایت بھی کر دی۔ ڈاکٹر حمیرا مجید خان کو لاہور کالج فار ویمن یونیورسٹی کا سنڈیکیٹ ممبر تعینات کرنے کی بھی منظوری دی۔ گورنر پنجاب نے اکیڈمک کونسل یونیورسٹی آف نارووال کے 8 ممبرز نامزد کر دیئے۔ پروفیسر ڈاکٹر خرم بشیر، ڈاکٹر بشری حمید الرحمان، ڈاکٹر زاہد یوسف شامل ہیں۔ شمائل خواجہ، مریم نعمان اور فیصل منظور گورنمنٹ کالج ویمن یونیورسٹی سیالکوٹ کے سنڈیکیٹ ممبرز مقرر کر دیئے گئے۔ گورنر پنجاب نے محمد فاروق کو ایمرسن یونیورسٹی ملتان کا رجسٹرار ، ندیم مشتاق کو خزانچی جبکہ آفتاب احمد کو کنٹرولر امتحانات تعینات کرنے اور کیڈٹ کالج خان پور، رحیم یار خان کے بورڈ آف گورنرز بنانے کی منظوری بھی دی ہے۔