سٹاک مارکیٹ میں تیزی، کاروبار کا مثبت رجحان رہا

02-01-2024

(لاہور نیوز) پاکستان سٹاک مارکیٹ میں آج کاروبار کا مثبت رجحان رہا جس کے باعث سرمایہ کاروں کو اربوں کا فائدہ ہوگیا۔

کاروباری ہفتے کے چوتھے روز پاکستان سٹاک مارکیٹ میں کاروبار کا اختتام مثبت زون میں ہوا جس کے باعث 100 انڈیکس 414 پوائنٹس کے اضافے کیساتھ 62 ہزار 393 پوائنٹس کی سطح پر بند ہوا۔یاد رہے کہ گزشتہ روز 100 انڈیکس137 پوائنٹس اضافے کیساتھ 61 ہزار 979 پوائنٹس کی سطح پر بند ہوا تھا۔ سٹاک مارکیٹ میں آج 8 ارب 98کروڑ 30 لاکھ 54 ہزار 68 روپے مالیت کے 13 کروڑ 87 لاکھ 94 ہزار 235 شیئرز کا لین دین ہوا ہے۔