بزنس ٹو بزنس راوبط بڑھانے کا معاملہ، پاکستان اور سعودیہ میں اتفاق ہوگیا

01-31-2024

(ویب ڈیسک) پاکستان اور سعودی عر ب میں بزنس ٹو بزنس روابط بڑھانے پر اتفاق ہو گیا ہے۔

نگران وزیر تجارت وداخلہ ڈاکٹر گوہر اعجاز سے سعودی سفیر نواف بن سعید المالکی نے ملاقات کی جس میں پاک سعودی بزنس ٹو بزنس روابط بڑھانے پر اتفاق کیا گیا۔اس موقع پر وزیر تجارت نے کہا کہ پاکستان میں اسٹیل اور کیمیکل کے شعبوں سے سعودی سرمایہ کار فائدہ اٹھا سکتے ہیں، قدرتی حسن سے مالامال شمالی علاقہ جات میں لگژری ریزورٹس میں سرمایہ کاری دونوں ممالک کیلیے سود مند ثابت ہو سکتی ہے۔ انہوں نے کہا کہ دونوں ملکوں نے شعبہ آئی ٹی میں تعاون بڑھانے کیلیے متعدد اقدامات کیے ہیں ، پاک سعودی بزنس ٹو بزنس روابط میں فروغ کیلیے 10بڑے صنعتکاروں کا وفد آئندہ ماہ ان کی قیادت میں سعودی عرب کا دورہ کرے گا ۔ ملکی اشیاکی مارکیٹنگ کیلیے عالمی سطح پر ’’برانڈ پاکستان‘‘ اسٹورز قائم کرنے پر کام کر رہے ہیں۔ بعدازاں انہوں نے فیڈریشن آف چیمبر آف کامرس اینڈ انڈسٹری اور اسلام آباد چیمبر آف کامرس اینڈ انڈسٹری کے وفد سے ملاقات کی۔ اس موقع پر گفتگو میں انہوں نے کہا کہ اسلام آباد5 ارب ڈالر کی برآمدات کی صلاحیت رکھتا ہے ۔