عام انتخابات کا معائنہ: دولت مشترکہ کا وفد پاکستان آئیگا

01-30-2024

(ویب ڈیسک) عام انتخابات کے معائنے کے لئے دولت مشترکہ کا 16 رکنی وفد پاکستان آئے گا۔

مبصرین کے وفد کی قیادت نائجیریا کے سابق صدر کر رہے ہیں، آسٹریلیا، نیوزی لینڈ کے نمائندے بھی وفد میں شامل ہوں گے۔ انتخابات کی کوریج کیلئے برطانیہ کے 37 صحافیوں کو پاکستان ہائی کمیشن لندن نے ویزے جاری کر دیئے، الیکشن کمیشن آف پاکستان کی دعوت پر انٹرنیشنل آبزرور گروپس انتخابات کو مانیٹر کریں گے۔ ہائی کمیشن لندن کے مطابق تمام ادارے حکومت پاکستان کی ہدایات کے مطابق کامیاب الیکشن کے انعقاد کے لئے آئینی کردار ادا کریں گے۔