کنسرٹ کے دوران بلال سعید غصے میں آگئے ، مداحوں کو مائیک دے مارا

01-26-2024

(ویب ڈیسک)پاکستان کے معروف گلوکار بلال سعید لائیو کنسرٹ کے دوران غصے میں آگئے اورمداحوں کو مائیک دے مارا۔

تفصیلات کےمطابق سوشل میڈیا پر بلال سعید کے میوزک کنسرٹ کی ویڈیو وائرل ہورہی ہے جس میں اُنہیں اسٹیج پر پرفارم کرتے ہوئے دیکھا جاسکتا ہے۔بلال سعید گانا گا رہے ہوتے ہیں کہ اچانک وہ غصے سے بھڑک اُٹھتے ہیں اور اپنے ہاتھ میں موجود مائیک کنسرٹ کے حاضرین کی جانب دے مارتے ہیں۔ بلال سعید حاضرین کی جانب مائیک پھینکنے کے بعد کچھ بھی کہے بغیر غصے سے اسٹیج چھوڑ کر چلے جاتے ہیں، گلوکار کو اسٹیج سے جاتا دیکھ کر حاضرین میں موجود ایک مداح کہتا ہے کہ ‘پروگرام تو وڑ گیا’۔ گلوکار کی یہ ویڈیو تیزی سے سوشل میڈیا پر وائرل ہورہی ہے جہاں کچھ صارفین کا کہنا ہے کہ یہ کنسرٹ پنجاب یونیورسٹی میں ہوا تھا لیکن اس بات کی تصدیق نہیں ہوسکی۔دوسری جانب ابھی تک بلال سعید کے اچانک غصے کی وجہ بھی سامنے نہیں آسکی جبکہ ویڈیو پر صارفین کی جانب سے تبصروں کا سلسلہ جاری ہے۔