عالمی و مقامی سطح پر سونے کی قیمتوں میں کمی

01-25-2024

(ویب ڈیسک) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخ کم ہو گئے۔

بین الاقوامی مارکیٹ میں فی اونس سونے کی قیمت 12 ڈالر کمی کیساتھ 2035 ڈالر کی سطح پر پہنچ گئی جبکہ پاکستان میں فی تولہ سونے کی قیمت میں 1400 روپے اور فی دس گرام سونے کی قیمت میں 1200 روپے کی کمی ریکارڈ کی گئی۔ قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 13 ہزار 800 روپے اور فی دس گرام سونے کی قیمت ایک لاکھ 83 ہزار 300 روپے ہو گئی۔