شعیب ملک بنگلہ دیش پریمیئر لیگ چھوڑ کر اچانک دبئی روانہ

01-25-2024

(ویب ڈیسک) حال ہی میں اداکارہ ثناء جاوید کے ساتھ دوسری شادی کرنے والے پاکستانی سابق آل راؤنڈر شعیب ملک اچانک بنگلہ دیش پریمیئر لیگ چھوڑ کر دبئی روانہ ہو گئے ہیں ۔

ترجمان فارچیون باریشال نے بیان جاری کرتے ہوئے کہا کہ شعیب ملک گزشتہ روز میچ کھیل کر ذاتی مصروفیات کی وجہ سے اچانک دبئی روانہ ہو گئے ہیں تاہم وہ  27 جنوری کو سلہٹ میں چٹوگرام چیلنجرز کے خلاف ہونے والے میچ میں دستیاب ہونگے،ابھی فارچیون باریشال کے میچز میں وقفہ تھا شعیب ملک کچھ دنوں کے لئے دبئی گئے ہیں۔ یاد رہے کہ 20 جنوری کو شعیب ملک نے ادکارہ ثناء جاوید کے ساتھ دوسری شادی کا اعلان کیا جس نے پاکستانی عوام کو شدید حیرت میں مبتلا کر دیا تاہم جب یہ اعلان سامنے آیا تو اس وقت بھی شعیب ملک بنگلہ دیش میں پریمیئر لیگ کیلئے موجود تھے ۔ثانیہ مرزا کی فیملی کی جانب سے بھی شعیب ملک کے ساتھ طلاق کی خبروں کی تصدیق کر دی گئی ہے ۔