نگران حکومت بڑھتے بل سے پریشان،پنشن سے متعلق اہم فیصلہ

01-23-2024

(ویب ڈیسک) نگران وفاقی حکومت نے بڑھتا بل کنٹرول کرنے کیلیے پنشن اصلاحات کا فیصلہ کیا ہے۔

نگران وفاقی حکومت نے تنخواہوں اور پنشن کی مد میں بڑھتے ہوئے بل کو کنٹرول کرنے کیلیے پے اینڈ پنشن کمیٹی کی رپورٹ کی روشنی میں پنشن اصلاحات کا فیصلہ کیا ہے جس کے تحت تجویز ہے کہ وفاقی حکومت کے ملازمین ریٹائرمنٹ سے قبل سروس کے آخری 36 ماہ کے دوران حاصل قابل مراعات کے 70 فیصد کی بنیاد پر مجموعی پنشن کے حق دار ہونگے۔ پنشن میں کوئی بھی اضافہ ریٹائرمنٹ کے وقت طے کی گئی پنشن پر دیا جائے گا، خاندانی پنشن شریک حیات کی موت کے بعد صرف دس سال کی زیادہ سے زیادہ مدت تک کیلیے اہل خاندان کے باقی افراد کیلیے قابل عمل ہوگی، شہدا کے کیس میں یہ مدت20سال ہو گی، کوئی بچہ معذور ہو تو پنشن عمر بھر کیلیے ہو گی۔ریٹائرمنٹ کے بعد دو بارہ ملازمت کی صورت میں خواہ وہ ریگو لر ہو یا کنٹر یکٹ پنشنر صرف پنشن یا تنخواہ میں سے  ایک کا حق دار ہو گا۔