پولیس لائنز مناواں میں ایس پی یو کے آپریشن روم کا افتتاح

01-23-2024

(لاہور نیوز) سٹی ٹریفک پولیس لائنز مناواں میں سپیشل پروٹیکشن یونٹ (ایس پی یو) کا خصوصی آپریشن روم قائم کردیا گیا۔

نگران وزیراعلیٰ محسن نقوی نے سپیشل پروٹیکشن یونٹ کے خصوصی آپریشن روم کا افتتاح کیا۔ وزیراعلیٰ محسن نقوی نے خصوصی آپریشن روم کا دورہ اور آپریشن روم میں جدید کیمروں کی مدد سے سکیورٹی انتظامات کا جائزہ لیا، وزیراعلیٰ نے آپریشن روم میں موجود عملے سے ملاقات کی اور انہیں جانفشانی سے فرائض سرانجام دینے کی تلقین کی۔ انہوں نے آپریشن روم کے قیام کے اقدام کو سراہا، انسپکٹر جنرل پولیس ڈاکٹر عثمان انور نے وزیراعلیٰ کو آپریشن روم کے افعال کار اور کارکردگی کے بارے میں بریفنگ دی۔  وزیراعلیٰ محسن نقوی کی زیر صدارت کمیٹی روم میں خصوصی اجلاس بھی ہوا جس میں ڈی آئی جی سپیشل پروٹیکشن یونٹ طیب حفیظ نے وزیراعلیٰ پنجاب کو ایس پی یو کی کارکردگی کے بارے میں بریفنگ دی۔