آج کے دور میں ہوتے توشعیب اختر ایک سال میں کتنی لیگز کھیل سکتے تھے؟فاسٹ باولر نے بڑی بات کہہ دی

01-22-2024

(ویب ڈیسک)قومی کرکٹ ٹیم کے سابق فاسٹ باولر شعیب اختر نے کہا ہے کہ اگر میں آج کے دور میں ہوتا تو ایک سال میں 20 لیگز کھیل سکتا تھا۔

رپورٹ کے مطابق اپنے ایک بیا ن میں  شعیب اختر کا کہنا تھا کہ آئی ایل ٹی 20 نے ایسا پلیٹ فارم فراہم کیا جس میں ٹیلنٹ کو صلاحیتوں کے اظہار کے بھرپور مواقع مل رہے ہیں، اس کا نتیجہ ہے کہ آج کی کرکٹ میں محمد وسیم ورلڈکلاس باولرز کی پٹائی کررہے ہیں۔ انہوں نے کہا کہ چند سال میں یواے ای ٹیم عالمی کرکٹ میں ایک پاور کے طور پر اپنی پہچان بنانے میں کامیاب ہو جائے گی، اس لیگ سے بطور ایمبیسڈر وابستہ ہونا میرے لیے بڑے فخر کی بات ہے،ایک سوال پر  شعیب اختر نے کہا کہ اپنی سال بھر کی مصروفیات کو دیکھتے ہوئے کرکٹرز کو اپنے  ورک پلان کا خیال رکھنا چاہیے، دنیا میں بہت زیادہ لیگز ہیں، فٹنس بحال رکھنے کیلیے توازن رکھنا ضروری ہے۔