کیا وسیم بادامی نے شعیب کی دوستی سے متعلق ثانیہ مرزا کو پہلے ہی آگاہ کردیاتھا؟نئی بات سامنے آگئی

01-21-2024

(ویب ڈیسک) پاکستان کے معروف میزبان وسیم بادامی نے پہلے ہی ڈھکے چُھپےالفاظ میں سابق بھارتی ٹینس اسٹار ثانیہ مرزا کو شعیب ملک اور ثنا جاوید کی دوستی سے متعلق اشارہ دے دیا تھا۔

رپورٹ کے مطابق شعیب ملک کی دوسری شادی کے بعد وسیم بادامی کا ایک ویڈیو کلپ سوشل میڈیا پر وائرل ہورہا ہے جس میں وہ شعیب ملک سے متعلق ثانیہ مرزا کو آگاہ کرتے نظر آرہے ہیں۔وسیم بادامی نے  ایک  پروگرام میں بطورِ مہمان شرکت کی تھی، دورانِ پروگرام وسیم بادامی نے ثانیہ مرزا سے مخاطب ہوتے ہوئے کہا تھا کہ “بھابھی! آپ چیک کرلیں کہ شعیب ملک گیم شو ‘جیتو پاکستان’ میں صرف کھیلنے آئے تھے یا پھر کسی کا دل بھی جیت کر لے گئے؟” وسیم بادامی نے ثانیہ مرزا سے مزید  کہا کہ “آپ ایک بار چیک کرلیں، ہمارے پاس اطلاعات تھیں جو میں نے آپ کو بتا دیں”۔واضح رہے کہ شعیب ملک نے سال 2010 میں بھارتی ٹینس اسٹار ثانیہ مرزا سے پہلی شادی کی تھی،دونوں کا ایک بیٹا اذہان مرزا ملک ہے جس کی پیدائش 2018 میں ہوئی تھی۔