ایس ای سی پی: دسمبر میں 2095 کمپنیاں رجسٹرڈ

01-19-2024

(ویب ڈیسک) سکیورٹیز اینڈ ایکسچینج کمیشن آف پاکستان (ایس ای سی پی) نے ماہ دسمبر میں 2095 نئی کمپنیاں رجسٹر کیں۔

ایس ای سی پی نے دسمبر 2023 میں 2095 نئی کمپنیاں رجسٹر کیں جس کے بعد کل رجسٹرڈ کمپنیوں کی تعداد 2 لاکھ 9604 ہوگئی۔ نئی رجسٹرڈ کمپنیوں کا کل ادا شدہ سرمایہ 2ارب60 کروڑ روپے ہے۔ ایس ای سی پی کے مطابق نئی کمپنیوں میں57 فیصد بطور پرائیویٹ لمیٹڈ رجسٹرڈ ہوئیں،41 فیصد سنگل ممبر کمپنیاں ہیں، باقی دو فیصد میں پبلک لمیٹڈ (ان لسٹڈ)، غیر منافع بخش تنظیمیں، محدود پارٹنرشپ فرمز اور غیر ملکی کمپنیاں شامل ہیں۔