’غزہ میں نسل کشی کے 100 دن‘، ماہرہ خان کی اسرائیلی بمباری کی شدید مذمت

01-17-2024

(ویب ڈیسک) غزہ کے مظلوم فلسطینیوں پر اسرائیلی فوج کی وحشیانہ بمباری کو 100 روز گزر گئے اور اب تک 24 ہزار فلسطینی شہید ہوچکے ہیں۔

اسرائیل کی وحشیانہ بمباری اور سفاکیت پر پوری دنیا میں اس کی مذمت جاری ہے اور غزہ میں محصور انسانوں کیلئے نامور شخصیات تواتر سے آواز اٹھا رہی ہیں۔ پاکستانی سپر سٹار اداکارہ ماہرہ خان نے غزہ پر مظالم کے سو روز مکمل ہونے پر ایک انسٹاگرام سٹوری شیئر کی جس میں فلسطینیوں کی کھل کر حمایت کی گئی ہے۔ انسٹاگرام پرایک ویڈیو شیئر کرتے ہوئے اداکارہ نے اسے کیپشن دیا ’جہنم کے سو دن، دکھ کے سو دن اور نسل کشی کے سو دن‘۔ دوسری طرف نامور اداکارہ ماورا حسین نے بھی ایکس پر پوسٹ میں لکھا ’نسل کشی کے سو دن‘ اور ساتھ ہی ٹوٹے ہوئے دل کی ایموجی بھی ڈال دی۔