ٹھنڈے موسم میں انڈے مسلسل مہنگے

01-13-2024

(لاہور نیوز) برائلر ، سبزیوں اور پھلوں کے من مانے دام وصول کئے جانے لگے۔ ٹھنڈے موسم میں انڈے مسلسل مہنگے ہیں۔

مرغی کا گوشت 7 روپے مہنگا، ریٹ 602 روپے فی کلو ہو گیا۔ انڈوں کی قیمت میں 2 روپے کا اضافہ ، قیمت 398 روپے فی درجن ہو گئی۔ شہریوں کو فی انڈہ 40 روپے میں مل رہا ہے۔ سرکاری ریٹ لسٹ میں 8 سبزیوں کے دام بڑھ گئے۔ پیاز 5 روپے اضافے سے سرکاری ریٹ 205 روپے کلو مقرر، مارکیٹ میں خشک پیاز 260 روپے کلو تک فروخت ہونے لگے۔ مٹر 300، شملہ مرچ 230، سبز مرچ 180، پھول گوبھی 150 روپے کلو میں دستیاب ہے۔ کریلے سرکاری ریٹ لسٹ میں 225 روپے کلو  تاہم مارکیٹ میں 450 روپے کلو میں بیچے جا رہے ہیں۔ پھل بھی عوام کی پہنچ سے باہر ہیں۔ موسمی پھلوں میں سیب 400 روپے کلو جبکہ کیلا 200 روپے اور کینو 320 روپے درجن فروخت کئے جا رہے ہیں۔ شہری کہتے ہیں مہنگائی قوت خرید پر بھاری پڑنے لگی ہے۔ برائلر اور انڈوں کے دام پر انتظامیہ کا کوئی کنٹرول نہیں۔