ملکی زرمبادلہ کے ذخائرمیں 3 کروڑ 60 لاکھ ڈالر کا اضافہ

01-12-2024

(ویب ڈیسک) سٹیٹ بینک آف پاکستان کے مطابق ملکی زرمبادلہ کے ذخائر میں 3 کروڑ 60 لاکھ ڈالر کا اضافہ ریکارڈ کیا گیا ہے۔

مرکزی بینک نے زرمبادلہ کے ہفتہ وار اعدادوشمار جاری کردیے ہیں جن کے مطابق  5 جنوری کو ختم  ہونے والے ہفتے میں زرمبادلہ کے ذخائر میں 3  کروڑ 60  لاکھ ڈالر کا اضافہ ہوا ہے۔ اضافے کے بعد ملکی زرمبادلہ کے ذخائر کا حجم 5 جنوری کو 13 ارب 25 کروڑ ڈالر  رہا۔ اس عرصے کے دوران سٹیٹ بینک کے زرمبادلہ کے ذخائر 6 کروڑ 64 لاکھ ڈالر کی کمی سے 8 ارب 15 کروڑ ڈالر رہے۔ سٹیٹ بینک کے اعدادوشمار کے مطابق کمرشل بینکوں کے زرمبادلہ کی مالیت10 کروڑ 24 لاکھ ڈالر کے اضافے سے 5 ارب 10 کروڑ ڈالر ہوگئی۔