حبا بخاری کے بیرون ملک سیر سپاٹے، تصاویر وائرل

01-12-2024

(ویب ڈیسک) معروف اداکارہ حبا بخاری کے بیرون ملک سیر سپاٹوں کی تصاویر وائرل ہوگئیں۔

فوٹو اور ویڈیو شیئرنگ ایپ انسٹاگرام پر اداکارہ حبا بخاری نے تصاویر شیئر کیں جس میں انہیں بیرون ملک سیرو تفریح کرتے خوشگوار موڈ میں دیکھا جاسکتا ہے۔ اداکارہ ایک تصویر میں کیمرے میں دیکھ رہی ہیں جبکہ دوسری تصویر میں چہل قدمی کررہی ہیں۔ حبا بخاری نے تصاویر شیئر کرتے ہوئے کیپشن میں لکھا کہ ’2024 کی پہلی پوسٹ لیکن میں جانتی ہوں شیئر کرنے میں دیر ہوگئی پر کیا ہے ناں، منیر نیازی صاحب کی نظم ’ہمیشہ دیر کردیتا ہوں میں‘ سے بہت متاثر ہوں۔ انہوں نے پوسٹ میں شوہر و اداکار آریز احمد کو مخاطب کرتے ہوئے لکھا کہ ’خوش آمدید میرے آفیشل فوٹو گرافر۔‘ حبا بخاری سوشل میڈیا پر کافی متحرک رہتی ہیں اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔ اس سے قبل اداکارہ نے شوہر کے ہمراہ ویڈیو شیئر کی تھی جسے مداحوں کی جانب سے خوب سراہا گیا تھا۔ واضح رہے کہ حبا بخاری نجی ٹی وی چینل کے ڈرامہ سیریل ’تیرے عشق کے نام‘ میں ’رتبہ‘ کا مرکزی کردار نبھایا تھا جس کی دیگر کاسٹ میں زاویار نعمان، جمال شاہ، یشما گل ودیگر شامل تھے۔ اداکارہ اس سے قبل جنید خان کے ساتھ ڈرامہ سیریل ’بے رخی‘ میں بھی اداکاری کے جوہر دکھا چکی ہیں۔