علی ظفر سے مداح نے سوشل میڈیا پرچمکتی جلد کا راز پوچھ لیا، گلوکارنے دلچسپ جواب دے ڈالا

01-04-2024

(ویب ڈیسک)پاکستان کے معروف گلوکار اور اداکار علی ظفر نے چمکتی جلد کا راز پوچھنے والے مداح کو دلچسپ جواب دے دیا۔

رپورٹ کے مطابق گلوکارعلی ظفرسے سوشل میڈیا پر ایک صارف نے سوال پوچھا کہ سب چھوڑو یہ بتاؤ کہ جلد پر اتنی چمک کیسے آتی ہے ؟جس پر انہوں نے جواب دیا کہ میں نے کبھی کوئی کریم استعمال نہیں کی۔ علی ظفر کا مزید کہنا تھا کہ جلد پر چمک کبھی بھی ان کریموں سے نہیں آتی جو لوگوں کو متوجہ کرنے کے لیے ” فئیرنیس ” اور “گلو” جیسے پرکشش الفاظ استعمال کرتی ہیں، اصل چمک اندر سے آتی ہے۔ گلوکار نے کہا کہ اچھا سوچو، نیت صاف رکھو ، اچھا کھاؤ پیو، روح کو پاک رکھو، غیبت مت کرو، ورزش کرو اور ہاں ماں باپ کی خدمت کرو سب چمک جائے گا۔ علی ظفر کی پوسٹ کو ہزاروں افراد نے لائیک کیا۔