ریلوے نے گزشتہ 6 ماہ کے دوران کتنی کمائی کی؟جانئے

01-02-2024

(ویب ڈیسک)پاکستان ریلوے نے تاریخ میں پہلی بار 6ماہ میں 40ارب آمدن کا ہندسہ عبور کر لیا۔

رپورٹ کےمطابق مالی سال 2023-24 کی پہلی ششماہی میں ریلوے نے  41 ارب روپے کی آمدن حاصل کی  ہےجبکہ  پچھلے سال جولائی تا دسمبر یہ آمدن 28 ارب روپے تھی۔ پاکستان ریلوے پر امید ہے کہ مالی سال کا ٹارگٹ ایک ماہ قبل حاصل کر لیا جائے گا۔ چیف ایگزیکٹو آفیسر پاکستان ریلوے عامر بلوچ نے کہا ہے کہ وسائل کے درست اور موثر استعمال سے ریکارڈ آمدن کا حصول ممکن ہوا۔ ریونیو میں اضافہ ریلوے ملازمین کی انتھک محنت اور لگن کا نتیجہ ہے، اس ضمن میں کوئی اضافی خرچہ نہیں کیا گیا اور نہ ہی حکومت سے کوئی پیسے لیے گئے۔