سال 2023ء ریکارڈ شجرکاری اور باغات کی تزئین و آرائش کا سال رہا

01-02-2024

(لاہور نیوز) سال 2023ء ریکارڈ شجرکاری، باغات کی تزئین و آرائش اور گرین بیلٹس کی بحالی کا سال رہا ہے۔

ڈائریکٹر جنرل محمد طاہر وٹو کا کہنا ہے گزشتہ سال شروع کردہ منصوبہ جات کو سال 2024ء کے آغاز میں ہی مکمل کر لیا جائے گا، شہر کی تمام گرین بیلٹس کی خوبصورتی کیلئے موسمی پھولوں کی شجرکاری کا عمل تیزی سے جاری ہے، حال ہی میں تعمیر شدہ اکبر چوک فلائی اوور کی گرین بیلٹ پر ہارٹی کلچر کا کام تکمیل کے قریب ہے۔  انہوں نے کہا پی ایچ اے وزیر اعلی محسن نقوی کے ویژن کے مطابق شہر کو سرسبز اور خوبصورت بنانے کیلئے کوشاں ہیں، شاہراہ قائد اعظم، مین مارکیٹ گلبرگ اور اکبر چوک سمیت دیگر علاقوں کی گرین بیلٹس کی نگہداشت کے عمل کو یقینی بنا رہے ہیں۔