نئے سال کا پہلا دن،مقامی سطح پر سونا سستا ہوگیا

01-01-2024

(ویب ڈیسک)سال نو کے پہلے ہی روز مقامی سطح پر سونے کی فی تولہ قیمت میں کمی ہوگئی ۔

تفصیلات کےمطابق بین الاقوامی بلین مارکیٹ میں فی اونس سونے کی قیمت بغیر کسی تبدیلی کے 2082ڈالر کی سطح پر مستحکم ہے،اس کے باوجود مقامی صرافہ مارکیٹوں میں سال 2024 کے پہلے دن 24قیراط کے حامل فی تولہ سونے کی قیمت 300روپے کی کمی سے 219700روپے اور دس گرام سونے کی قیمت بھی 258روپے کی کمی سے 188357 روپے کی سطح پر آگئی ہے۔ اسکے برعکس فی تولہ چاندی کی قیمت بغیر کسی تبدیلی کے 2680روپے اور فی دس گرام چاندی کی قیمت بھی بغیر کسی تبدیلی کے 2297.66روپے پر مستحکم ہے۔