الیکشن کمیشن آج بھی پشاور ہائیکورٹ فیصلے کیخلاف نظرثانی پٹیشن دائر نہ کر سکا

12-28-2023

(ویب ڈیسک) الیکشن کمیشن آج بھی پی ٹی آئی کو انتخابی نشان بلے کی الاٹمنٹ سے متعلق پشاور ہائیکورٹ کے فیصلے کیخلاف نظرثانی پٹیشن دائر کرنے کا فیصلہ نہ کر سکا۔

ذرائع کے مطابق چیف الیکشن کمشنر کی زیر صدارت الیکشن کمیشن کا اجلاس بغیر کسی نتیجے پر پہنچے ختم ہو گیا، اجلاس میں پشاور ہائیکورٹ کے فیصلے کیخلاف الیکشن کمیشن کی جانب سے اپیل دائر کرنے یا نہ کرنے سے متعلق فیصلہ آج بھی نہ کیا جا سکا۔ اجلاس میں الیکشن کمیشن کی قانونی ٹیم نے حکام کو تفصیلی بریفنگ دی، الیکشن کمیشن کے لاء ونگ نے پشاور ہائیکورٹ فیصلے سے متعلق قانونی نکات سے اجلاس کو آگاہ کیا جس پر شرکاء نے پشاور ہائیکورٹ کے فیصلے پر مشاورت جاری رکھنے کا فیصلہ کیا۔ ذرائع کا کہنا ہے کہ بدھ کو ہونے والے اجلاس میں ممبر پنجاب بابر بھروانہ ناسازی طبیعت کے سبب نہیں آ سکے تھے، گزشتہ روز بھی اجلاس بغیر کسی نتیجے کے ختم ہوا تھا۔