پنجاب کے میدانی علاقوں میں دھند کے ڈیرے، متعدد موٹرویز ٹریفک کیلئے بند

12-27-2023

(لاہور نیوز) شام ہوتے ہی دھند نے پنجاب کے میدانی علاقوں میں ڈیرے ڈال لئے، متعدد موٹر ویز کو ٹریفک کے لئے بند کر دیا گیا۔

ترجمان موٹر وے پولیس کے مطابق شديد دهند کے باعث موٹروے M-11 ہر قسم کی ٹریفک کے لئے بند کر دی گئی ہے، موٹروے M-2 بھی ٹھوکر نیاز بیگ سے ہرن مینار تک ہر قسم کی ٹریفک کے لئے بند ہو گئی۔ پھالیہ شہر اور گرد و نواح میں دھند کے باعث سر شام ہی حد نگاہ کم ہونے کی وجہ سے ٹریفک کی روانگی شدید متاثر ہونے لگی، قصور اور اس کے گرد و نواح میں بھی شدید دھند کے باعث حد نگاہ صفر رہ گئی۔