انڈوں کی فی درجن قیمت تاریخ کی بلند ترین سطح پر پہنچ گئی
12-27-2023
(لاہور نیوز) پاکستان میں مہنگائی کے طوفان نے عوام کو پریشان کررکھا ہے ، جیسے جیسے سردی میں اضافہ ہو رہا ہے ویسے ہی انڈوں کی قیمت آسمان کو چھونے لگی ہے ۔
لاہورسمیت پاکستان میں انڈوں کی فی درجن قیمت 380 روپے پر پہنچ گئی ہے یعنی ایک انڈہ تقریبا 35 روپے تک فروخت ہو رہا ہے ۔ سردیوں میں انڈے ہر گھر کی ضرورت ہوتے ہیں جو سردی سے بچانے میں اہم کردار ادا کرتے ہیں لیکن مہنگائی سے پریشان پاکستانی عوام انڈوں کی خرید میں بھی مشکلات کا شکار دکھائی دے رہے ہیں۔