میلبرن ٹیسٹ: پاکستان اور آسٹریلیا کے درمیان میچ بارش کے باعث روکدیا گیا

12-26-2023

(ویب ڈیسک) پاکستان اورآسٹریلیا کے درمیان میلبرن میں کھیلا جارہا دوسرا میچ بارش کی باعث روک دیا گیا۔

قبل ازیں  پاک آسٹریلیا ٹیسٹ سیریز کے باکسنگ ڈے ٹیسٹ میچ میں پاکستان نے ٹاس جیت کر میزبان ٹیم کو پہلے بیٹنگ کرنے کی دعوت دی۔   — ESPNcricinfo (@ESPNcricinfo) December 25, 2023 آسٹریلیا کی جانب سے ڈیوڈ وارنر اور عثمان خواجہ نے بیٹنگ کا آغاز کیا تو 6 رنز کے مجموعی سکور پر فرسٹ سلپ پر کھڑے عبداللہ شفیق نے صرف 2 رنز بنانے والے وارنر کا آسان کیچ چھوڑ دیا۔ اس کے بعد دونوں اوپنرز نے 90 رنز کی شراکت قائم کی، آسٹریلیا کی جانب سے پہلی وکٹ وارنر کی گری جو  38 رنز بنا کر سلمان آغا کی گیند پر بابر اعظم کے ہاتھوں کیچ آؤٹ ہوئے۔ کینگروز کی دوسری وکٹ 108رنز کے مجموعے پر گری جب عثمان خواجہ  101 گیندوں پر 42 رنز بنا کر  حسن علی کی گیند پر  سلمان آغا کو کیچ دے بیٹھے، آسٹریلیا کا مجموعی سکور 114 رنز پر پہنچا تو بارش نے آن لیا جس کے بعد میچ کو روک دیا گیا۔ پاکستان کا سکواڈ:   — Pakistan Cricket (@TheRealPCB) December 25, 2023 آسٹریلیا کا سکواڈ: پاکستان کیخلاف دوسرے ٹیسٹ میچ میں آسٹریلیا کی ٹیم میں کوئی تبدیلی نہیں کی گئی، پیٹ کمنز کی قیادت میں نیتھن لائن، جوش ہیزل ووڈ، ڈیوڈ وارنر، عثمان خواجہ، مارنوس لبوشین، سٹیو سمتھ، مچل مارش، ٹریوس ہیڈ، الیکس کیری اور مچل سٹارک پر مشتمل ٹیم میدان میں اتری ہے۔