مسیحی برادری آج کرسمس کا تہوار مذہبی جوش و جذبے سے منا رہی ہے

12-25-2023

(لاہور نیوز) پاکستان سمیت دنیا بھر میں مسیحی برادری آج کرسمس کا تہوار مذہبی جوش و جذبے کے ساتھ منا رہی ہے۔

کرسمس کے موقع پر مسیحی برادری نے بھرپور تیاری کی ہے، اس حوالے سے ملک بھر کے تمام گرجا گھروں کو برقی قمقموں سے سجا دیا گیا، کرسمس پر ملک کے چھوٹے بڑے شہروں میں مسیحی برادری نے گلی کوچوں کو سجانے کے ساتھ گھروں میں کرسمس ٹری بھی سجائے ہیں، دن کے آغاز پر گرجا گھروں میں دعائیہ تقریبات میں پاکستان کیلئے خصوصی دعائیں کی جائیں گی۔ مسیحی برادری کا کرسمس کے خاص موقع پر کہنا ہے کہ حضرت عیسیٰ علیہ اسلام  نے محبت اور بھائی چارے کا جو درس دیا اسے ہر سو پھیلایا جائے گا، کرسمس کا تہوار اپنے ساتھ خوشی ، روشنی اور امن کا پیغام سمیٹ کر لاتا ہے، سال بھر اس تہوار کا انتظار کرتے ہیں۔