لاہور ہائیکورٹ کی ہفتہ،اتوار اور 25دسمبر کی چھٹیاں منسوخ

12-23-2023

(لاہور نیوز) لاہور ہائیکورٹ کی ہفتہ، اتوار اور 25 دسمبر کی چھٹیاں منسوخ کردی گئیں۔

لاہور ہائیکورٹ کے چیف جسٹس نے چھٹیوں کے منسوخی کے احکامات جاری کیے جس کا نوٹیفکیشن بھی جاری کردیا گیا۔ نوٹیفکیشن کے مطابق چیف جسٹس لاہور ہائیکورٹ نے الیکشن کیسز کی وجہ سے تینوں دن کی چھٹیاں منسوخ کیں، لاہور ہائیکورٹ میں تین روز کیسز کی سماعت جاری رہے گی۔ ادھر الیکشن کمیشن نے بھی سٹاف کی ہفتہ وار چھٹیاں منسوخ کردیں۔ الیکشن کمیشن کے مطابق عام انتخابات کے انعقاد تک سٹاف کی ہفتہ وار چھٹیاں منسوخ کی جاتی ہیں، الیکشن کمیشن سٹاف کوعام تعطیل پر بھی چھٹی نہیں ہوگی، الیکشن کمیشن کے تمام دفاتر بھی ہفتہ اور اتوار کو کھلے رہیں گے۔ ترجمان الیکشن کمیشن نے کہا ہے کہ 25دسمبر کو بھی تمام دفاتر کھلے رہیں گے۔