کماد کے کاشتکار کٹائی فصل کے پکنے کو مد نظر رکھ کر کریں، ڈپٹی ڈائریکٹر زراعت

12-17-2023

(ویب ڈیسک) ڈپٹی ڈائریکٹر محکمہ زراعت توسیع فیصل آباد چوہدری خالد محمود نے کہا کہ کاشتکار کماد کی کٹائی میں بہت احتیاط برتیں اور کماد کی کٹائی گنے کی اقسام اور فصل کے پکنے کے عمل کو مد نظر رکھ کر کی جائے۔

ڈپٹی ڈائریکٹر زراعت کا کہنا ہے فیصل آباد ڈویژن کے تمام اضلاع میں اس وقت کماد کی کٹائی کا عمل عروج پر ہے اس لئے پہلے ستمبر کاشت، مونڈھی فصل اور اگیتی پکنے والی اقسام اس کے بعد درمیانی اور دیر سے پکنے والی اقسام برداشت کی جائیں، کماد کی فصل پر چوہے کے حملے اور گنا گرنے کی صورت میں متاثرہ فصل کو پہلے کاٹا جائے اور گنے کی کٹائی سے قبل آبپاشی کا سلسلہ بھی بند کر دیا جائے۔ انہوں نے کہا کہ گنا کاٹنے کے بعد جلد از جلد قریبی شوگر ملز کو سپلائی کر دیا جانا بھی ضروری ہے تاکہ وزن اور ریکوری میں کمی نہ آ سکے۔