صوبے بھر میں 34 نئے مریضوں میں ڈینگی کی تصدیق

12-16-2023

(لاہور نیوز) 24 گھنٹے کے دوران صوبے بھر میں 34 نئے مریضوں میں ڈینگی کی تصدیق ہوئی۔

سیکرٹری صحت علی جان خان کے مطابق لاہور میں 21 ،گوجرانوالہ ، ملتان میں 4 ،4، فیصل آباد میں ،شیخو پورہ، نارووال اور سرگودھا میں ڈینگی کا ایک ،ایک نیا مریض سامنے آیا۔ پنجاب بھر کے ہسپتالوں میں اس وقت ڈینگی کے کل 42 مریض جبکہ لاہور  کے ہسپتالوں میں اس وقت ڈینگی کے کل 30 مریض زیر علاج ہیں ۔رواں سال لاہور میں ڈینگی کے 6938 ، پنجاب بھر میں 15 ہزار 29 کنفرم مریض رپورٹ ہوئے۔ سیکرٹری صحت علی جان کا کہنا ہے کہ ڈینگی سے بچنے کے لئے شہری اپنے ماحول کو صاف رکھیں، ڈینگی بخار کے علاج ، معلومات یا شکایات کے لئے محکمہ صحت کی فری ہیلپ لائن پر رابطہ کریں۔