کابینہ نے بھارتی سپریم کورٹ کا فیصلہ غیر آئینی قرار دے کر مسترد کر دیا: مرتضیٰ سولنگی

12-13-2023

(ویب ڈیسک) نگران وفاقی وزیر اطلاعات مرتضیٰ سولنگی نے کہا کہ کابینہ نے بھارتی سپریم کورٹ کے فیصلے کو غیر آئینی قرار دے کر مسترد کر دیا۔

مرتضیٰ سولنگی نے کہا کہ بھارتی سپریم کورٹ کے نام نہاد فیصلے سے مسئلہ کشمیر پر فرق نہیں پڑیگا۔ وفاقی کابینہ نے غیر قانونی افغان شہریوں کے انخلا کی پالیسی وضع کرنے کی منظوری دی ہے، وفاقی کابینہ نے پہلی نیشنل سپیس پالیسی کی بھی منظوری دی ہے، نگران وزیراعظم نے کہا ہے ہم چاہتے ہیں فارما انڈسٹری ترقی کرے۔ نگران وفاقی وزیر اطلاعات نے مزید کہا کہ نئے میڈیکل کالجز کے قیام کیلئے پی ایم ڈی سی کو سفارشات بھجوانے کی بھی منظوری دیدی۔