ایل پی جی کے بحران کا خدشہ، پاکستان آنیوالے جہاز سری لنکا چلے گئے

12-13-2023

(ویب ڈیسک) سردیوں میں مائع پیٹرولیم گیس (ایل پی جی) کے بحران کا خدشہ ہے۔

لاہور میں میڈیا سے گفتگو کرتے ہوئے چیئرمین ایل پی جی ڈیلرز ایسوسی ایشن عرفان کھوکھرکا کہنا تھا کہ سردیوں میں ایل پی جی کے بحران کا خدشہ ہے۔ انہوں نے کہا کہ پاکستان آنے والے ایل پی جی کے دو جہاز سری لنکا چلے گئے ہیں، ان جہازوں کے ذریعے 21 ہزار ٹن ایل پی جی آنا تھی۔ ان کا کہنا تھاکہ ملک میں ڈیڑھ لاکھ ٹن ایل پی جی کی ماہانہ ضرورت ہے۔عرفان کھوکھر نے مطالبہ کیا کہ حکومت فوری طورپرگیس قلت دور کرنے کے اقدامات کرے۔ انہوں نے کہا کہ ایل پی جی کی قلت سے قیمت بھی بڑھنے کا امکان ہے۔