نوازشریف کی بریت حق کی فتح، اللہ بہتر انصاف کرنے والا ہے: شہباز شریف

12-12-2023

(لاہور نیوز) پاکستان مسلم لیگ ن کے صدر شہباز شریف نے کہا ہے کہ العزیزیہ ریفرنس میں نوازشریف کی بریت حق کی فتح ہے۔

العزیزیہ ریفرنس میں نوازشریف کی بریت پر ردعمل میں سماجی رابطوں کی ویب سائٹ ایکس پر شہباز شریف کا کہنا تھا کہ قائد میاں محمد نوازشریف کی العزیزیہ ریفرنس میں بریت پر ہم سب اللہ تعالیٰ کے ہاں سربسجود ہیں، ‏نوازشریف صرف میرے بھائی اور قائد ہی نہیں وہ پوری قوم کے لیڈر ہیں۔   — Shehbaz Sharif (@CMShehbaz) December 12, 2023 انہوں نے مزید لکھا کہ نوازشریف کی بریت اور حق کی اس فتح سے جلد انکی قیادت میں پاکستان میں خوشحالی اور ترقی کا دور واپس آئے گا، قائد ن لیگ کے صبر، ایمان اور استقامت کو سلام پیش کرتا ہوں،انکی بریت اس بات کا ثبوت ہے کہ جب معاملات اللہ تعالیٰ پر چھوڑ دئیے جائیں تو وہ بہترین انصاف کرنے والا ہے۔ ٹوئٹ کے آخر پر شہباز شریف نے ایک شعر بھی لکھا  "‏ہوتا ہے جادہ پَیما پِھر کارواں ہمارا"۔