بھارت اپنی حرکتوں سے باز نہ آیا،پاکستان کو ساوتھ ایشین گیمز کی میزبانی سے محروم کرنے کیلئے بھونڈی سازش بے نقاب

12-09-2023

(ویب ڈیسک) پاکستان کو ساؤتھ ایشین گیمز کی میزبانی سے محروم کرنے کے لیے بھارت سری لنکا کو سامنے لےآیا۔

تفصیلات کےمطابق پاکستان نے مارچ میں ساؤتھ ایشین گیمز کی میزبانی کرنی ہے،بھارتی اشاروں پر سری لنکن وزیر کھیل ہیرن فرینیڈو نے متعلقہ اسٹیک ہولڈرز کو گیمز کی تیاریوں کی ہدایت کی ہے۔ 4  سال پہلے پاکستان کو ساؤتھ ایشین گیمز کی میزبانی ملی تھی۔ گزشتہ دور حکومت میں وزیر اعظم ہاؤس کی جانب سے ان گیمز کے لیے 4  ارب کی رقم بھی مختص کی گئی تھی، تاہم ابھی تک ان گیمز پر غیریقینی کے بادل چھائے ہوئے ہیں۔وزارت بین الصوبائی رابطہ کی طرف سے بننے والی آرگنائزنگ کمیٹی ابھی تک گیمز کےمقامات کا فیصلہ نہیں کرسکی۔ پاکستان اولمپک ایسوسی ایشن نے شہر لاہور کو میزبان کے لیے تجویز کیاتھا۔ اس وقت کی منسٹر بین الصوبائی رابطہ ڈاکٹر فہیمدہ مرزا اسلام آباد میں گیمز کی افتتاحی تقریب کرانے کی خواہشمند تھیں۔ پاکستان اسپورٹس بورڈ حکام بھی گیمز کروانے کے حوالے سے تاحال تذبذب کا شکار ہیں۔