کاہنہ: شوہر نے مبینہ طور پر تشدد کے بعد بیوی کا گلا دبا کر جان لے لی

12-09-2023

(لاہور نیوز) کاہنہ کے علاقے میں شوہر نے اپنی بیوی کو بدترین تشدد کا نشانہ بنانے کے بعد گلا دبا کر جان سے ہی مار ڈالا۔

قتل کا واقعہ کاہنہ میں پیش آیا، جہاں گھریلو ناچاقی پر شوہر نے طیش میں اپنی 32 سالہ بیوی کو تشدد کا نشانہ بنانے کے بعد گلا دبا کر موت کے گھاٹ اتار دیا، متوفیہ کی شناخت آسیہ بی بی کے نام سے ہوئی ہے۔ واقعہ کی اطلاع ملنے پر پولیس موقع پر پہنچ گئی اور شوہر شاہد عمر کو گرفتار کر لیا۔ پولیس کا کہنا ہے کہ آسیہ بی بی کے گلے پر دبانے کے نشانات موجود ہیں، متوفیہ کے لواحقین نے بتایا کہ آسیہ کو اس کا شوہر تشدد کا نشانہ بناتا تھا۔