امریکی قونصل جنرل کرسٹن ہاکنز کا چائلڈ پروٹیکشن بیورو کا دورہ

12-05-2023

(لاہور نیوز) امریکی قونصل جنرل کرسٹن کے ہاکنز نے چائلڈ پروٹیکشن بیورو کا دورہ کیا، چیئرپرسن چائلڈ پروٹیکشن بیورو سارہ احمد نے امریکی قونصل جنرل کا استقبال کیا۔

چیئرپرسن چائلڈ پروٹیکشن بیورو سارہ احمد نے امریکی قونصل جنرل کرسٹن ہاکنز کو چائلڈ پروٹیکشن بیورو کے حوالے بریفنگ دی۔ چیئرپرسن سارہ احمد نے بچوں کے تحفظ اور فلاح وبہبود کےلئے کئے گئے اقدامات کے بارے میں آگاہ کیا۔ امریکی قونصل جنرل کرسٹن کے ہاکنز نے چائلڈ پروٹیکشن بیورو کے مختلف سیکشنز کا دورہ کیا۔ کرسٹن کے ہاکنز بچوں کے ہاسٹل گئیں اور بچوں سے حال احوال دریافت کیا۔ امریکی قونصل جنرل نے بیک شاپ، سٹچنگ کلاسز اور میوزک کلاسز کا بھی دورہ کیا۔ امریکی قونصل جنرل نےچائلڈ پروٹیکشن سکول اورکمپیوٹر لیب کا بھی دورہ کیا۔ کرسٹن کے ہاکنز نے چائلڈ پروٹیکشن بیورو میں بچوں کو فراہم کردہ سہولیات پر اطمینان کا اظہار کیا۔ امریکی قونصل جنرل کرسٹن کے ہاکنز نے چیئرپرسن سارہ احمد کی جانب سے بچوں کے تحفظ اور فلاح وبہبود کےلئے کئے گئے اقدامات کو سراہا ۔  امریکی قونصل جنرل نے بچوں کے ساتھ کیک بھی کاٹا۔ اس موقع ڈائریکٹر جنرل چائلڈ پروٹیکشن بیورو آفتاب احمد خان، ڈائریکٹر پروگرام حسنین خالد، ڈائریکٹر ایڈمن کاشف جلیل اور دیگر افسران بھی موجود تھے۔