انٹربینک میں ڈالر کی قیمت کم ہونے سے روپے کی قدر بحال

12-04-2023

(ویب ڈیسک) انٹربینک میں ڈالر کی قیمت کم ہونے سے روپے کی قدر بحال ہونے لگی۔

کاروباری ہفتے کے پہلے روز انٹربینک میں امریکی کرنسی کی قدر میں 44 پیسے کمی دیکھی گئی ہے جس کے بعد انٹربینک میں ڈالر 284 روپے 52 پیسے کی سطح پر بند ہوا ہے۔ دوسری جانب اوپن مارکیٹ میں بھی ڈالر کی قیمت میں کمی ریکارڈ کی گئی، اوپن مارکیٹ میں ڈالر 25 پیسے کمی کے ساتھ 285 روپے 75 پیسے میں فروخت ہو رہا ہے۔