ساحر لودھی روزانہ کس معروف شخصیت کی قبر پر جاتے ہیں؟میزبان کا بڑاانکشاف

11-27-2023

(ویب ڈیسک)پاکستان کے معروف میزبان اور اداکار ساحر لودھی نے انکشاف کیا ہے کہ میں روزانہ مرحوم ڈاکٹر عامر لیاقت کی قبر پر جاتا ہوں۔

تفصیلات کےمطابق اپنے ایک بیان میں ساحر لودھی کا کہنا تھا کہ عامر لیاقت کے انتقال سے 15 دن پہلے اُن سے ملاقات ہوئی تھی اور جب اُن کا انتقال ہوا تو یقین نہیں آیا اور لگا جیسے میں نے اپنا بھائی کھو دیا ہے۔انہوں نے کہا کہ عامر لیاقت میرے بہت اچھے دوست تھے، میں اُن کے بارے میں وہ باتیں بھی جانتا ہوں جو کوئی دوسرا نہیں جانتا، میں نے لوگوں میں اُنہیں پیسے بانٹتے ہوئے بھی دیکھا ہے، میں روزانہ اُن کی قبر پر بھی جاتا ہوں۔   ساحر لودھی کا مزید کہنا تھا کہ مجھے اپنی زندگی میں دو لوگوں پر ہمیشہ فخر رہا ہے، ایک امجد صابری اور دوسرے عامر لیاقت حسین، دونوں سچے انسان تھے اور میرے بہترین دوست تھے۔