ندا یاسر کو مارننگ شو سے نکوالنے کیلئے کس معروف ٹی وی میزبان نے کوشش تھی؟اداکارہ نے بتا دیا

11-25-2023

(ویب ڈیسک)معروف اداکارہ ندا یاسر نے کہا ہے کہ مجھے مارننگ شو سے نکلوانے کیلئے وقار ذکا نے کوشش کی تھی۔

تفصیلات کےمطابق ندا یاسر نے  ایک شو میں شرکت کی جہاں اُنہوں نے ایک سیگمنٹ کے دوران وقار ذکا سے متعلق گفتگو کرتے ہوئے کہا کہ وقار ذکا میرے بہت اچھے دوست تھے لیکن بعد میں وہ میرے دشمن بن گئے،وقار ذکا نے مجھے میرے مارننگ شو سے نکلوانے کے لیے میرے خلاف مہم چلائی، مجھے میزبانی سے ہٹانے کے لیے بہت کوشش کی۔ ندا یاسر نے کہا کہ جب میں اور وقار ذکا ایک ہی چینل میں کام کرتے تھے تو اُس وقت اُن کا رویہ میرے ساتھ بہت اچھا تھا، وہ میرے بہت اچھے دوست تھے لیکن پھر اُنہوں نے اُس چینل کے شو کی میزبانی چھوڑ دی۔ اُنہوں نے کہا کہ  میں نے وقار ذکا کو چینل سے نہیں نکلوایا تھا، میرا کوئی قصور نہیں تھا لیکن اس کے باوجود بھی وقار ذکا نے میرے خلاف مہم چلائی اور مجھے مارننگ شو کی میزبانی سے ہٹانے کے لیے چینل کے مالکان کو ای میل کی۔ ندا یاسر نے یہ بھی کہا کہ مجھے آج تک معلوم نہیں ہوا کہ میں نے وقار ذکا کا کیا بگاڑا ہے لیکن وہ میرے دشمن بن گئے۔