علی ظفر نے مداحوں کے دل جیت لئے،گلوکار نےبین الاقوامی ایوارڈ شو میں فلسطینیوں کیلئے آواز اٹھا دی

11-23-2023

(ویب ڈیسک)پاکستان کے معروف گلوکار علی ظفر نے بین الاقوامی ایورڈ شو میں فلسطینیوں کیلئےآواز اٹھا کر مداحوں کے دل جیت لئے۔

تفصیلات کےمطابق حال ہی میں علی ظفر نے متحدہ عرب امارات میں ہونے والےانٹرنیشنل عرب فیسٹیول ایوارڈز ’DIAFA‘ میں شرکت کی ،جہاں عرب فنکاروں سمیت بین الاقوامی شوبز شخصیات کو بھی مدعو کیا گیا۔انٹرنیشنل عرب فیسٹیول ایوارڈز ’DIAFA‘ کی تقریب بالی ووڈ اداکارہ جیکولین فرنینڈز اور نرگس فخری نے بھی شرکت کی جن کی تصویر علی ظفر کے ساتھ سوشل میڈیا پر وائرل بھی ہورہی ہے۔ علی ظفر کو  ’DIAFA‘ ایوارڈز میں 2023 کے بہترین پاکستانی گلوکار کے ایوارڈ سے نوازا گیا جس کی ویڈیو سوشل میڈیا پر وائرل ہورہی ہے۔علی ظفر اسٹیج پر اپنا ایوارڈ وصول کرنے جاتے ہیں تو اسٹیج پر کھڑے  ہوکر فلسطین اور غزہ کے حق میں بات کرتے ہیں۔ علی ظفر نے بتایا کہ کس طرح دُنیا بھر کے تمام فنکاروں کو غزہ میں جاری اسرائیلی مظالم کے خلاف آواز اٹھانی چاہیے۔گلوکار کے اس اقدام کو سوشل میڈیا صارفین کی جانب سے خوب سراہا جارہا ہے، صارفین کا کہنا ہے کہ علی ظفر نے عالمی سطح پر فلسطین کی نسل کشی سے متعلق بات کرکے دل جیت لیے ہیں۔ واضح رہے کہ انٹرنیشنل عرب فیسٹیول ایوارڈز ’DIAFA‘ میں عرب دنیا کے فنکاروں کے ساتھ ساتھ بین الاقوامی مشہور شخصیات کو بھی بلایا جاتا ہے اور ہر سال ان کی کامیابیوں اور معاشرے کی بہتری میں شراکت کے اعتراف میں ایوارڈز سے نوازا جاتا ہے۔