ورلڈ کپ 2023 میں تماشائیوں کی تعداد نے ماضی کے ریکارڈ توڑ دیئے

11-21-2023

(لاہور نیوز) بھارت میں ہونے والے حالیہ ورلڈ کپ 2023 میں تماشائیوں کی تعداد نے ماضی کے ریکارڈ توڑ دیئے۔

آئی سی سی کے مطابق  بھارت میں ہوئے ورلڈ کپ کے دوران 12 لاکھ 50 ہزار سے زائد تماشائیوں نے اسٹیڈیمز کا رخ کیا ، ٹورنامنٹ کے 6 میچز ابھی باقی تھے کہ تماشائیوں کی تعداد ایک ملین سے تجاوز کر چکی تھی۔ آئی سی سی کرکٹ ورلڈکپ نے براڈ کاسٹ اور ڈیجیٹل ویورشپ کے بھی نئے ریکارڈز قائم کردیے ہیں۔   — ICC Cricket World Cup (@cricketworldcup) November 21, 2023 آئی سی سی کے مطابق 14اکتوبر کو نریندرا مودی کرکٹ  اسٹیڈیم میں کھیلا جانیوالا پاک بھارت میچ اسٹیڈیم میں سب سے زیادہ دیکھا جانے والا میچ تھا۔ اس سے قبل آسٹریلیا اور نیوزی لینڈ میں 2015 میں ہونے والا ورلڈکپ 10لاکھ 16ہزار تماشائیوں نے دیکھا تھا جبکہ  2019 میں انگلینڈ میں ہونیوالے ورلڈ کپ میں تماشائیوں کی تعداد 7 لاکھ52 ہزار تھی۔