سانحہ سیالکوٹ موٹروے : مجرمان کی سزائے موت کیخلاف اپیلیں سماعت کیلئے مقرر

11-21-2023

(لاہور نیوز) لاہور ہائیکورٹ نے سانحہ سیالکوٹ موٹروے کے مجرمان کی سزائے موت کیخلاف اپیلیں سماعت کیلئے مقرر کردیں۔

لاہور ہائیکورٹ نے سانحہ سیالکوٹ  موٹروے کے مجرمان عابد ملہی اور شفقت بگا کی سزائے موت کیخلاف  اپیلیں آج سماعت کیلئے مقرر کی ہیں، جسٹس شہرام سرور چودھری اور جسٹس علی ضیا باجوہ پر مشتمل دو رکنی بنچ  مجرمان کی اپیلوں پر سماعت کرے گا۔ یاد رہے کہ انسدادِ دہشت گردی عدالت نے مارچ 2021 میں دونوں مجرموں کو سزائے موت کا حکم سنایا تھا، مجرموں نے ٹرائل کورٹ کے فیصلے کے خلاف لاہور ہائیکورٹ میں اپیلیں دائر کررکھی ہیں۔